U Turcyi zaviali kryminalnyja spravy za zakliki da pratestaŭ u sacsietkach paśla abvału kursu liry
Hałoŭnaje ŭpraŭleńnie biaśpieki Turcyi paviedamiła ab zaviadzieńni kryminalnych spraŭ u suviazi z zaklikami ŭ sacyjalnych sietkach da vuličnych pratestaŭ z-za rezkaha padzieńnia kursu liry, pieradaje ria.ru.
24.11.2021 / 18:41
Paśla abvału tureckaj liry ŭviečary ŭ aŭtorak u Stambule, Ankary i šerahu inšych tureckich haradoŭ prajšli akcyi pratestu. Pratestoŭcy vykrykvali łozunhi z patrabavańniem adstaŭki ŭrada i adchileńnia ad ułady kirujučaj Partyi spraviadlivaści i raźvićcia. Palicyja pryniała miery da razhonu demanstrantaŭ.
«U ramkach mierapryjemstvaŭ manitorynhu sacyjalnych sietak byli raspačatyja kryminalnyja spravy ŭ dačynieńni da asob, jakija zaklikali da vuličnych pratestaŭ i hvałtu, a taksama raspalvali nianaviść i varožaść u hramadstvie, manipulujučy vahańniami abmiennych kursaŭ», — havorycca ŭ zajavie.
Adznačajecca, što spravy raspačatyja ŭ dačynieńni da ŭładalnikaŭ 271 ulikovaha zapisu ŭ sacsietkach.
Tureckaja valuta ŭ aŭtorak pastaviła novy antyrekord, abrynuŭšysia z 11,37 da 13,21 liry za dalar. Takoje rezkaje padzieńnie za sutki źjaŭlajecca maksimalnym za apošnija 20 hadoŭ. Jano adbyłosia paśla taho, jak u minuły čacvier Centrabank Turcyi pryniaŭ rašeńnie źnizić ulikovuju staŭku da 15% z 16%, a ŭ paniadziełak prezident Turcyi Taip Erdahan u telezvarocie znoŭ vykazaŭsia za źnižeńnie ŭlikovaj staŭki.