Жыхары Шумілінскага раёна вельмі хацелі выпіць. Для суседзяў усё скончылася рэанімацыяй
Увечары 19 лістапада 18- і 24-гадовы жыхары раёна распівалі спіртныя напоі. Пазней яны вырашылі здабыць грошы, каб купіць яшчэ спіртнога і накіраваліся да суседа аднаго з іх, паведамляе СК.
21.11.2021 / 13:02
Пасля няўдалай спробы выбіць дзверы, маладыя людзі разбілі акно, трапілі ў кватэру і сталі патрабаваць у гаспадара грошы. Мужчыну ўдалося выбегчы на вуліцу, аднак яго дагналі і збілі. Вярнуўшыся ў кватэру, падазраваныя пачалі выбіваць грошы ў сястры пацярпелага. Калі жанчына перастала супраціўляцца, яны забралі спіртное і сышлі.
Пацярпелыя, 63-гадовы мужчына і яго 60-гадовая сястра, знаходзяцца ў рэанімацыі.
Распачатая крымінальная справа па ч. 3 арт. 207 Крымінальнага кодэкса Беларусі (разбой, учынены з прычыненнем цяжкага цялеснага пашкоджання).