Спікер Сената Польшчы атрымаў пакет з пагрозамі і выбухоўкай
Спікер польскага Сената Томаш Гродзкі паведаміў, што атрымаў пакет з пагрозамі і выбухоўкай, паведамляе RMF FM.
21.11.2021 / 08:40
«На маё імя ў Сенат прыйшоў пакет-ліст з пагрозамі смерцю і выбухоўкай. Пасылку перадалі адпаведным службам. Спадзяюся, яны хутка справяцца са зламыснікам!» — паведаміў палітык.
Як паведамляе RMF FM, у пакеце было 10 грам парашку нітрацэлюлозы (пораху).
У пакеце былі пагрозы не толькі спікеру сената, але і іншым палітыкам, у прыватнасці, экс-прэм'еру Польшчы, а цяпер лідару апазіцыі Дональду Туску.