Byłoha amapaŭca asudzili da troch hadoŭ «chatniaj chimii» za ŭdzieł u prateście
U sudzie Maskoŭskaha rajona 2 listapada da troch hadoŭ «chatniaj chimii» asudzili palitviaźnia Maksima Klimoviča (art. 342). Paśla dvuch z pałovaj miesiacaŭ pad aryštam jon vyjšaŭ na volu.
02.11.2021 / 14:54
Byłoha supracoŭnika AMAPa, jaki zvolniŭsia jašče ŭ 2012 hodzie (ale pry zatrymańni jamu heta ŭzhadali), abvinavacili ŭ pierakryćci daroh sčepkaj na akcyi pratestu ŭ dzień vybaraŭ. Na sud pad kanvojem i ŭ kajdankach pryviali siabra Klimoviča, jaki taksama znachodzicca pad vartaj pa hetym epizodzie — jaho dapytvali z kletki pobač z abvinavačanym, piša spring96.org.
Siońnia suddzia Juryj Maškietaŭ asudziŭ palitviaźnia da troch hadoŭ «chatniaj chimii» i vyzvaliŭ jaho ŭ zale suda.