Novaja chvala nielehalnych mihrantaŭ na miažy Litvy ź Biełaruśsiu: takoha nie było sa žniŭnia

Subota była niaprostaj dla litoŭskich pamiežnikaŭ. Takoj kolkaści mihrantaŭ nie było z pačatku žniŭnia, kali supracoŭnikam Słužby achovy dziaržaŭnaj miažy było dadziena prava nie prapuskać mihrantaŭ u Litvu ŭ nienaležnych miescach, piša Delfi.

24.10.2021 / 13:27

Delfi

Za sutki, z suboty da niadzieli, pamiežniki nie ŭpuścili ź Biełarusi 183 mihrantaŭ. Zafiksavanaja za sutki kolkaść mihrantaŭ —183 — źjaŭlajecca adnym z samych vysokich pakazčykaŭ sioleta z 2 žniŭnia, kali pamiežniki mohuć na zakonnych padstavach nie ŭpuskać mihrantaŭ ź Biełarusi.

76 zamiežnikaŭ nie puścili ŭ piatnicu, 57 — u čaćvier, 79 — u sieradu, 55 — u aŭtorak, 149 — u paniadziełak, 49— u niadzielu.

Patok mihrantaŭ, jakija sprabujuć trapić u Litvu ź Biełarusi, raście: pamiežniki za pieryjad 1-23 kastryčnika nie ŭpuścili ŭ krainu 1558 takich zamiežnikaŭ, za ŭvieś vierasień ich było 981, z pačatku hoda — kala 4200.