Фільм Андрэя Куцілы пра пратэсты — пераможца Варшаўскага кінафестывалю
Фільм беларускага рэжысёра Андрэя Куцілы «Калі кветкі не маўчаць» перамог у конкурсе дакументальных фільмаў Варшаўскага кінафестывалю.
16.10.2021 / 23:39
Менавіта на гэтым фестывалі адбылася прэм'ера дакументальнай стужкі пра падзеі жніўня 2020 года ў Беларусі.
У інтэрв'ю «Нашай Ніве» Андрэй Куціла шчыра прызнаваўся, што звычайна імкнецца пазбягаць у творчасці наўпроставых палітычных тэм: не яго профіль. І ў 2020 годзе ён планаваў выконваць ролю звычайнага грамадзяніна сваёй краіны. Але калі стаў зразумелы маштаб усіх паслявыбарчых падзей, ён адчуў, што мусіць фіксаваць усё гэта.
Гутарку з пераможцам напярэдадні прэм'еры чытайце па спасылцы: