Prezidenta Brazilii nie puścili na futbolny matč, bo ŭ jaho nie było pryščepki
Žaira Bałsanaru nie puścili na matč nacyjanalnaha čempijanatu «Santas» — «Hremia». Jon nie zmoh prajści na stadyjon, bo na hulniu byli dapuščanyja tolki hledačy, jakija zrabili pryščepku ad COVID-19.
11.10.2021 / 12:19
«Navošta mnie daviedka ab pryščepcy? Ja prosta chacieŭ pahladzieć hulniu «Santasa», a ŭ mianie pytajucca, ci pryščepleny ja. Dla čaho? U mianie antyciełaŭ bolš, čym u luboha pryščeplenaha», — zajaviŭ brazilski prezident.
Bałsanaru padčas pandemii nieadnarazova vystupaŭ suprać vakcynacyi i izalacyjnych mier. Raniej u Ńju-Jorku jaho nie puścili ŭ piceryju.