Rehulatar JeS uchvaliŭ treciuju dozu Pfizer dla ludziej va ŭzroście ad 18 hadoŭ
Jeŭrapiejskaje miedycynskaje ahienctva (EMA) rekamienduje pryščapicca treciaj dozaj vakcyny Pfizer ad karanavirusa ludziam z asłablenaj imunnaj sistemaj, jakija dasiahnuli 18 hadoŭ. Takaja doza moža ŭvodzicca praz 28 dzion paśla druhoj.
05.10.2021 / 12:29
Paviedamlajecca, što rašeńnie ab raźmierkavańni dadatkovych doz budzie pryniata ŭładami jeŭrapiejskich dziaržaŭ. Pavodle daśledavańniaŭ, treciaja doza vakcyny Pfizer/BioNTech pavialičvaje zdolnaść vypracoŭvać antycieły suprać karanavirusa ŭ pacyjentaŭ z asłablenaj imunnaj sistemaj.
Časam dvuch doz nie chapaje dla vypracoŭki dastatkovaj kolkaści antyciełaŭ u ludziej z asłablenym imunitetam, naprykład, u ludziej, jakija pieranieśli transpłantacyju orhanaŭ.
Pry hetym niama pramych dokazaŭ taho, što zdolnaść vypracoŭvać antycieły ŭ hetych pacyjentaŭ abaraniaje ad Covid-19.
Ale čakajecca, što bustarnaja doza pavysić abaronu, prynamsi, u niekatorych pacyjentaŭ. Tym, u kaho asłablena imunnaja sistema, rabić treciuju pryščepku rekamiendujuć minimum praz 28 dzion paśla druhoj dozy.
Atrymać treciuju pryščepku mohuć i ludzi z narmalnym stanam imunnaj sistemy, ale minimum praz 6 miesiacaŭ paśla druhoj dozy dla ludziej va ŭzroście ad 18 hadoŭ.