Vadzim Hihin syšoŭ z pasady dekana fakulteta fiłasofii BDU ŭ tavarystva «Viedy»
Vadzim Hihin, dekan fakulteta fiłasofii i sacyjalnych navuk BDU, kandydat histaryčnych navuk, byŭ abrany staršynioj praŭleńnia Respublikanskaha dziaržaŭna-hramadskaha abjadnańnia «Biełaruskaje tavarystva «Viedy» jašče na pačatku vieraśnia, ale tady navina prajšła niezaŭvažnaj.
04.10.2021 / 23:25
Hihin pry svaim pryznačeńni paabiacaŭ «doŭha nie razhojdvacca».
Fota: bsu.by
«Tavarystva» Viedy» — arhanizacyja ź vielizarnaj historyjaj, znakavaje abjadnańnie, jakoje ŭniesła vialiki ŭkład u papularyzacyju navuki. U apošni čas jano było nie vielmi prykmietna ŭ infarmacyjnaj i hramadskaj prastory», — zaŭvažyŭ Hihin i dadaŭ, što
ciapier staić zadača «zrabić z arhanizacyi instrumient daniasieńnia aktualnaj hramadska-palityčnaj, historyka-kulturnaj i inšaj infarmacyi da hramadzian krainy. Bo va ŭmovach hibrydnaj vajny ŭ Biełarusi stvarajecca šmat niehatyŭnych stereatypaŭ».
Hihin paabiacaŭ, što dziejnaść tavarystva budzie aktyvizavana.
Darečy, u svoj čas Łukašenka jak raz byŭ adkaznym sakratarom tavarystva «Viedy» ŭ Škłovie. Vidać, jon ličyć toj vopyt udałym, kali znoŭ źviarnuŭsia da hetaha savieckaha instrumienta prapahandy.
Novym dekanam fakulteta fiłasofii i sacyjalnych navuk BDU pryznačanaja kandydat fiłasofskich navuk Vieranika Sajhanova.
Pracoŭnuju dziejnaść u BDU pačała ŭ 2006 hodzie. Pracavała vykładčykam, staršym vykładčykam i dacentam na kafiedry fiłasofii i mietadałohii navuki. U 2018 hodzie stała zahadčycaj kafiedry fiłasofii kultury.
Fota: bsu.by