«Мы тут будзем трымацца колькі трэба — такі Шлях». Запрацаваў анлайн-музей з лістамі беларускіх палітвязняў
Цяпер усе лісты ад беларускіх палітвязняў змогуць захоўвацца ў адным месцы — для гэтага стварылі адкрыты анлайн-музей пад назвай «Ляцяць лісты».
05.10.2021 / 20:09
Музей быў запушчаны высілкамі розных беларусаў свету, якія захацелі сабраць і захаваць лісты ад палітвязняў як гістарычную каштоўнасць.
Перадаць ліст музею можа любы жадаючы, папярэдне даслаўшы яго на пошту праекта ў выглядзе фотаздымка ці скана. Ужо цяпер на сайт загружаныя некалькі дзясяткаў лістоў, што прыходзілі суайчыннікам ад Паўла Севярынца, Сцяпана Латыпава, Віктара Бабарыкі і іншых.
Ëсць там лісты і аўтарства былых палітвязняў — напрыклад, журналісткі Кацярыны Барысевіч, якая ўжо адбыла свой тэрмін.
Цытата з ліста Эдуарда Пальчыса, перададзенага музею. Скрын з сайта letters-museum.com