U Šviecyi siońnia pačnuć abviaščać Nobieleŭskich łaŭreataŭ
Samo ŭručeńnie premii adbudziecca ŭ śniežni, ale i sioleta projdzie na radzimie łaŭreataŭ u farmacie anłajn z-za pandemii.
04.10.2021 / 08:32
Siońnia Nobieleŭski kamitet u Stakholmie paviedamić, kamu prysudžana premija pa miedycynie. U aŭtorak, 5 kastryčnika, abvieściać uładalnika premii pa fizicy, u sieradu — pa chimii, u čacvier — pa litaratury.
Łaŭreat premii miru budzie abvieščany ŭ piatnicu ŭ Osła (Narviehija). Tam siarod favarytaŭ ekśpierty i bukmiekiery nazyvajuć Śviatłanu Cichanoŭskuju i Hretu Turnbierh, a ŭsiaho pretenduje 329 kandydataŭ (234 ź ich — heta fizičnyja asoby, 95 — arhanizacyi).
I apošni łaŭreat budzie nazvany ŭ nastupny paniadziełak, heta łaŭreat premii šviedskaha Dziaržaŭnaha banka pa ekanamičnych navukach pamiaci Alfreda Nobiela.
Nobieleŭskaja premija 2021 hoda praduhledžvaje ŭznaharodu ŭ 10 młn šviedskich kron (kala 1,1 młn dalaraŭ).