Kala 50 rubloŭ štohod. Uładalniki kvater, mahčyma, buduć płacić padatak

U Biełarusi prapanujecca admianić padatkovuju lhotu dla ŭładalnikaŭ kvater. Ab hetym paviedamiŭ siońnia žurnalistam pieršy namieśnik ministra finansaŭ Dźmitryj Kijko, pieradaje BiełTA.

01.10.2021 / 16:56

Prapanujecca admiena padatkovaj lhoty ŭ dačynieńni da kvater u šmatkvaternych žyłych damach.

Paviedamlajecca, što meta hetaha novaŭviadzieńnia — zraŭnavać umovy padatkaabkładańnia hramadzian, jakija źjaŭlajucca ŭładalnikami indyvidualnaha žylla, a taksama pavysić napaŭnialnaść miascovych biudžetaŭ.

Miarkujecca, što ŭ jakaści padatkovaj bazy budzie raźlikovy košt kvater, jaki budzie vyznačacca Padatkovym kodeksam. Budzie prymianiacca standartnaja staŭka ŭ pamiery 0,1%. Paviedamlajecca, što siaredniaja suma padatku pa standartnaj kvatery dla hramadzian u Minsku składzie kala 50 rubloŭ u hod, u rehijonach — kala 25 rubloŭ.

Zachavajucca lhoty ŭ dačynieńni da piensijanieraŭ, invalidaŭ, šmatdzietnych siemjaŭ i inšych nieabaronienych słajoŭ nasielnictva.