Polšča adnaŭlaje čyhunačnyja znosiny z usimi krainami, akramia Biełarusi
U Polščy adnoviać čyhunačnyja maršruty za miažu paśla admieny niekatorych karancinnych abmiežavańniaŭ praz karanavirus. Adnak znosiny z Biełarussiu zastanucca pad zabaronaj, pieradaje Radyjo Svaboda.
30.09.2021 / 16:47
Polšča nie budzie pieravozić pasažyraŭ praz polska-biełaruskuju miažu jak minimum da 31 kastryčnika. Taki zahad vydała Rada ministraŭ Polščy 27 vieraśnia.
«Zhodna z našymi źviestkami, u Biełarusi bolš za 10 000, a moža, i bolš, asobaŭ, pieramieščanych z Blizkaha Uschodu, pieravažna ź Iraka, a taksama z Siryi, kab pravodzić hibrydnuju ataku», — kazaŭ raniej premjer-ministar Polščy Matevuš Maraviecki na sumiesnaj pres-kanferencyi z premjeram Litvy Inhrydaj Šymanicie ŭ Varšavie.