«Niekalki paŭnamoctvaŭ niejkamu orhanu my prylapili, a dalej my nie viedajem». Jak idzie praca kamisii nad prajektam Kanstytucyi
Telehram-kanał, blizki da pres-słužby Łukašenki, apublikavaŭ videa z narady z kiraŭnictvam Saŭmina. Havorka zajšła pra daŭno abiacanuju pieradaču častki paŭnamoctvaŭ kiraŭnika dziaržavy ŭradu i miascovym orhanam ułady. Ale vyśvietliłasia niečakanaje.
21.09.2021 / 17:57
«Zahłochła pytańnie! Zrabili niekalki krokaŭ — i supakoilisia!» — zajaviŭ Łukašenka.
28 vieraśnia jon praviadzie pasiadžeńnie Kanstytucyjnaj kamisii, dzie abmiarkujuć prajekt Kanstytucyi.
Ale, padobna, brać na siabie adkaznaść, jakija paŭnamoctvy zabirać u Łukašenki, Kanstytucyjnaja kamisija nie navažvajecca. Na heta Łukašenka adkazaŭ stroha, raskryŭšy tajamnicu ich pracy:
«I padrychtavacca. Nie toje što, voś my nie viedajem: niekalki paŭnamoctvaŭ niejkamu orhanu my prylapili (Usiebiełaruskamu narodnamu schodu i hetak dalej), a dalej my nie viedajem. Pojdziem da prezidenta. Nu vy prychodźcie da mianie, tolki z prapanovami».