Афганскія жанчыны запусцілі флэшмоб у сацсетках супраць чорных хіджабаў і талібаў
Жанчыны Афганістана посцяць здымкі ў нацыянальных строях — яскравых, шматкаляровых. Такое сапраўднае нацыянальнае адзенне ў Афганістане, а не чорныя хіджабы, якія абавязалі насіць жанчын талібы, што прыйшлі да ўлады.
20.09.2021 / 15:00
Пратэстуючы супраць абмежавання сваіх правоў жанчыны Афганістана запусцілі флэшмоб у сацыяльных сетках з хэштэгамі #DoNotTouchMyClothes і #AfghanistanCulturе.
Абвясціла кампанію Бахар Джалал, былая выкладчыца Амерыканскага ўніверсітэта Афганістана. Яе калегі і іншыя жанчыны падтрымалі ініцыятыву.
«За ўсю гісторыю Афганістана ні адна жанчына не апраналася падобным чынам, — пракаментавала Джалал фота жанчыны ў паранджы. — Я размясціла сваю фатаграфію ў традыцыйнай афганскай вопратцы, каб інфармаваць, адукоўваць і аспрэчваць дэзынфармацыю, якая распаўсюджваецца Талібанам.
Так афганскіх жанчын бачаць талібы. Фота: з адкрытых крыніц