Праз 18 гадоў на экраны вяртаецца легендарная «Матрыца». Ужо выйшаў трэйлер
15 снежня адбудзецца сусветная прэм'ера чацвёртага фільма навукова-фантастычнага баевіка «Матрыца». Апошняя частка папулярнага фільма выйшла ў свет у далёкім 2003 годзе, а першы эпізод, які і заваяваў свет, з'явіўся ажно ў 1999 годзе.
09.09.2021 / 16:39
Галоўную ролю ў фільме «Матрыца: Уваскрашэнне» сыграе ўсё той жа акцёр — Кіану Рыўз. Калі першыя тры часткі здымаліся сёстрамі Вачоўскі, то за чацвёрты эпізод узялася толькі Лана Вачоўскі.
Як і ў папярэдніх фільмах франшызы, сюжэтам «Матрыцы-4» стане супрацьстаянне галоўных герояў камп'ютарнай сістэме «Матрыца», якая ўзяла кантроль над Зямлёй.