Беларуска Лізавета Пятрэнка выйграла бронзу Паралімпіяды ў Токіа ў кіданні дзіды
28.08.2021 / 09:46
Беларуская лёгкаатлетка Лізавета Пятрэнка стала бронзавым прызёрам спаборніцтваў па кіданні дзіды на Паралімпіядзе ў Токіа.
Спартсменка выступала ў класе F-13, а найлепшым яе вынікам стаў кідок снарада на 38 м 99 см — гэта рэкорд кантынента. Пераможцай у гэтым відзе спорту стала прадстаўніца Узбекістана Назімахон Каюмава, якая паставіла свой асабісты рэкорд — 42 м 49 см. Другі вынік у кітаянкі Чжао Юпін, якая таксама ўстанавіла найвышэйшы асабісты паказчык — 41 м 85 см.
Усяго ў актыве беларускай паралімпійскай зборнай чатыры медалі, з якіх тры вышэйшыя ўзнагароды раней заваяваў плывец Ігар Бокій.