Pahladzicie, jak vučań z Maładziečanščyny zašyfravaŭ na šparhałcy vierš Kupały «Javar i kalina»

Zusim chutka pačniecca navučalny hod, a značyć, tema šparhałak dla niekatorych znoŭ stanie aktualnaj. Adna nastaŭnica z Maładziečanščyny padzialiłasia z «Rehijanalnaj hazietaj» kreatyŭnaj šparhałkaj svajho vučnia na vierš Janki Kupały «Javar i kalina».

23.08.2021 / 16:18

Chłopiec, jaki pisaŭ šparhałku, sioleta skončyŭ škołu. A nastaŭnica, pierabirajučy papiery pierad novym navučalnym hodam, znajšła «šedeŭr».

Darečy, jak pryznałasia piedahoh, ubačyŭšy hetuju šparhałku, jana navat dazvoliła vučniu karystacca joj pry adkazie. Vielmi ž kreatyŭny byŭ tvor.

Hladzicie:

A ciapier nahadajem vam sam vierš. Čytajcie i paraŭnoŭvajcie.

Javar i kalina

Pieśniaj viasny lebiadzinaju,

Skinuŭšy zimnija čary,

Šepčucca javar z kalinaju

Ŭ sumnaj dalinie nad jaram.

Liściki zieleniaj chvalacca

Niebu paniatlivaj movaj:

Rosami myjucca ranicaj,

Pieściacca soncam paŭdniovym.

Zachadam modły pakornyja

Z matkaj-ziamloj adpraŭlajuć;

Tajna u nočańku čornuju

Miesiaca, zor vyhladajuć.

Słuchajuć śmiechaŭ rusałčynych,

Łopatu kryłlaŭ načnicy,

Vietru pavievaŭ ap’iančanych,

Pluskatu šklistaj krynicy.

Čujecca muzyka dziŭnaja

U povieściach sonnych imšaraŭ…

Ciešycca javar z kalinaju,

Skinuŭšy zimnija čary.