Праваабаронца «Вясны» Андрэй Палуда пакінуў Беларусь
Праваабаронца «Вясны» і каардынатар кампаніі «Праваабаронцы супраць смяротнага пакарання ў Беларусі» Андрэй Палуда пакінуў Беларусь.
05.08.2021 / 13:38
У дадзены момант ён знаходзіцца ў адной з еўрапейскіх краін, паведамляе «Вясна».
14 ліпеня Андрэй меў адразу два ператрусы (дома і на пляцоўцы «Тэрыторыя правоў»), допыт у СК і затрыманне.
Праваабаронца правёў 72 гадзіны ў Ізалятары часовага ўтрымання на Акрэсціна — ён мае статус падазраванага па крымінальнай справе, распачатай у дачыненні да ПЦ «Вясна» — а затым быў адпушчаны пад падпіску аб нявыездзе.