Palitviaźnia Andreja Novikava, jaki byŭ departavany i viarnuŭsia ŭ Biełaruś, adpravili na dva z pałovaj hady ŭ kałoniju

50-hadovaha palitźniavolenaha hramadzianina Rasii Andreja Novikava, vałanciora inicyjatyŭnaj hrupy Cichanoŭskaj, abvinavačvali ŭ «arhanizacyi hrupavych dziejańniaŭ, jakija hruba parušajuć hramadski paradak», a taksama «niezakonnym pierasiačeńni dziaržaŭnaj miažy».

05.08.2021 / 12:18

Andrej pahadziŭsia z tym, što ŭdzielničaŭ u mierapryjemstvach, zdymaŭ i raźmiaščaŭ na svaim kanale roliki, ale nie pryznaŭ arhanizacyju masavych biesparadkaŭ i zmovu ź Cichanoŭskim i Statkievičam.

Pieršy raz Novikava sudzili hod tamu. Jaho zatrymali 6 červienia 2020 hoda ŭ vioscy Prusy Pastaŭskaha rajona, u rodnych miaścinach, za ŭdzieł u pikiecie pa zbory podpisaŭ, jaki pryraŭniali da niesankcyjanavanaha masavaha mierapryjemstva.

12 červienia jamu vystavili abvinavačvańnie pa č.1 art. 342 KK. 26 listapada Novikava vyvieźli na miažu z Rasijaj, pastavili štamp ab zabaronie ŭjezdu na terytoryju Biełarusi na 10 hod.

Adnak u Biełarusi ŭ jaho zastalisia žonka i dvoje dziaciej. Andrej byŭ znoŭ zatrymany 13 krasavika 2021 hoda ŭ Pastavach, kudy tajemna pryjechaŭ naviedać žonku i dziaciej.