«Heta fejk». Kačanava nie budzie sustrakacca ŭ kałonii z Chierše
U siecivie zjaviłasia infarmacyja, nibyta Natalla Kačanava źbirałasia sustrecca z palitźniavolenaj Natallaj Chierše ŭ homielskaj kałonii. U pres-słužbie Savieta Respubliki «Našaj Nivie» hetuju infarmacyju źniapraŭdzili.
03.08.2021 / 17:08
«Heta fejkavaja infarmacyja. Ni Natalla Kačanava, ni niechta inšy z Savieta Respubliki ŭ hety momant u homielskuju kałoniju nie źbiraŭsia», — paviedamili ŭ pres-słužbie.
Nahadajem, hramadzianka Biełarusi i Šviejcaryi Natalla Chierše, była asudžanaja na 2,5 hoda kałonii za sarvanuju z amapaŭca bałakłavu. Jana abjaŭlała haładoŭku na znak pratestu suprać taho, što joj nie pieradavali listy ad rodnych. Taksama Natallu ŭ kałonii dva miesiacy ŭtrymlivali ŭ štrafnym izalatary za admovu šyć formu siłavikam i inšyja parušeńni. Akramia taho, jaje ŭhavorvali pisać prašeńnie ab pamiłavańni na imia Łukašenki, adnak jana admoviłasia.