Затрыманая блогерка і менеджар кампаніі Eleven Наста Пілюгіна

Раніцай у Мінску затрымалі блогерку Насту Пілюгіну, маркетолага і мэдыя-менеджарку ў кампаніі Eleven, вядоўцу падкасту dzigital.

29.07.2021 / 16:03

Гэта здарылася прыкладна аб 11-й гадзіне: Наста выйшла з дому да машыны, якая стаяла ў двары, па ноўтбук і знікла. Яе тэлефон быў выключаны, але потым уключыўся.

З дапамогай праграмы «лакатар» на айпадзе Насты стала бачна, што яна недзе на завулку Казлова (на завулку Казлова, 6а знаходзіцца Упраўленне КДБ па Мінску). Званкі з тэлефона скідаюцца, паведамляе «Радыё Свабода».