У Лідзе шарык з цацачнага пісталета трапіў васьмігадоваму хлопчыку ў вока
Двое васьмігадовых хлопчыкаў каталіся на роварах, сустрэлі аднагодкаў, якія гулялі з цацачным пісталетам.
06.07.2021 / 10:49
Уладальнік пісталета папрасіў пакатацца на ровары, а ўзамен даў пагуляцца з пісталетам, піша БелТА.
Адзін з хлопчыкаў узяў цацку ў рукі, тройчы націснуў на курок і вырашыў, што пісталет пластыкавымі шарыкамі-кулямі не зараджаны. Ён жартам накіраваў цацку ў бок свайго сябра, націснуў яшчэ раз.
Шарык трапіў іншаму хлопчыку ў вока.
Сур’ёзнай траўмы ўдалося пазбегнуць, але да доктара-спецыяліста звяртацца прыйшлося.