MZS Hiermanii: Ułady Biełarusi zapatrabavali spynić dziejnaść Hiote-Instytuta
Ułady Biełarusi zapatrabavali spynić dziejnaść u krainie Hiote-Instytuta i Hiermanskaj słužby akademičnych abmienaŭ. Pra heta paviedamili ŭ MZS Hiermanii, pišuć RIA Novosti.
30.06.2021 / 20:19
«My škadujem ab rašeńni biełaruskaha boku.., — havorycca ŭ zajavie źniešniepalityčnaha viedamstva. — Hety krok pryviadzie da dalejšaj mižnarodnaj izalacyi Biełarusi».
Adznačajecca, što z-za rašeńnia ŭładaŭ Biełarusi paciarpiać «biełaruskija hramadzianie, jakija buduć pazbaŭleny mahčymaściaŭ hramadskaj i kulturnaj dziejnaści».
Hiote-Instytut — arhanizacyi pa vyvučeńni niamieckaj movy i kultury pa ŭsim śviecie.
Hiermanskaja słužba akademičnych abmienaŭ sadziejničaje štohod kala 100 000 niamieckim i zamiežnym studentam i navukoŭcam pa ŭsim śviecie; spryjaje razvićciu hiermanistyki i raspaŭsiudžvańniu niamieckaj movy jak zamiežnaj za miažoj, akazvaje padtrymku krainam, jakija raźvivajucca, u stanaŭleńni ich sistem adukacyi.