У Лунінецкім раёне здзейсніў аварыйную пасадку верталёт МНС. Ён атрымаў механічныя пашкоджанні
У 14:25 пры выкананні работ па авіяцыйным патруляванні лясоў каля вёскі Чарабасава Лунінецкага раёна здзейсніў аварыйную пасадку верталёт Мі-2 авіяцыі МНС Беларусі.
27.06.2021 / 15:30
Ілюстрацыйнае фота
Пра гэта паведамляе ведамства у сваім тэлеграм-канале.
Камандзір паветранага судна і лётчык-назіральнік самастойна пакінулі верталёт. Паводле папярэдняй інфармацыі, яны не пацярпелі, аднак будуць агледжаныя медыкамі.
Верталёт атрымаў механічныя пашкоджанні.