На Камсамольскім возеры 22 чэрвеня адкрыецца новы экскурсійны маршрут
Пра гэта паведаміла «Мінск-Навінам» начальнік экскурсійна-метадычнага аддзела Мінгарвыканкама Ганна Сажнева.
17.06.2021 / 14:41
«Мінск-Навіны»
Мерапрыемства прымеркавана да 80-годдзя з дня запланаванага ўрачыстага адкрыцця возера, якое было сарвана 22 чэрвеня 1941 года з-за пачатку Вялікай Айчыннай вайны.
Цеплаход будзе адпраўляцца ад прыстані, якая знаходзіцца побач з прыпыначным пунктам «Камсамольскае возера» на пр. Пераможцаў. З карабля можна будзе ўбачыць усю акваторыю возера, а таксама парк Перамогі, Траецкае прадмесце. Судна будзе праходзіць каля фантанаў, якія падсвятляюцца ўвечары.
Пакуль што плануецца, што паездкі па новым напрамку на акваторыі Камсамольскага возера будуць арганізоўвацца па замове ў выхадныя дні.