Eks-pamočniku prakurora Pieršamajskaha rajona Babaku dali 15 sutak. Kažuć, prosta vyviesiŭ ściah
Eks-pamočnik prakurora Pieršamajskaha rajona Minska Jaŭhien Babak byŭ zatrymany ŭ čaćvier.
11.06.2021 / 13:12
U kvatery Jaŭhiena Babaka
Siońnia spravu razhledzieła sudździa Maskoŭskaha rajona Taćciana Motyl. Jaŭhiena abvinavacili ŭ «pikietavańni šlacham raźmiaščeńnia na bałkonie BČB-ściaha», paviedamlajuć pravaabaroncy.
Pa słovach Jaŭhiena, BČB-ściah jon znajšoŭ 6 kastryčnika, a 10 červienia vyrašyŭ vyviesić jaho ŭ znak pratestu suprać hvałtu.
Zhodna z rapartam, heta zaŭvažyli supracoŭniki HUBAZiKa i pryjšli dadomu da Babaka, kab zabrać ściah.
Zatrymali jaho a 10 ranicy. Na sudzie jon zajaviŭ, što nie bačyć sensu ŭ dopycie śviedak-milicyjantaŭ. Vynik — 15 sutak.