Ëсць магчымасць паўдзельнічаць у раскопках старога Менска
У чацвер, 10 чэрвеня, стартуюць археалагічныя раскопкі на Менцы — месцы, дзе пачынаўся Менск (7 км ад кальцавой, за Малінаўкай).
08.06.2021 / 15:08
Раскопкі пройдуць на селішчы Х-ХІ ст. ст., на беразе колішняга Дуная, у непасрэднай блізкасці ад Менскага замчышча Х ст., за 150 метраў ад музея «Стары Менск», напісаў у сваім фэйсбуку Глеб Лабадзенка.
Раскопкі будуць і ў будныя, і ў выходныя дні.
Шукаюць валанцёраў, асабліва моцных хлопцаў, асабліва на першыя 2-3 дні, бо там акурат патрэбна грубая фізічная сіла.
Ахвотныя, пішыце адразу на мэйл labadzenka@gmail.com.