У працы Spotify, Reddit і CNN і іншых папулярных сайтаў адбыўся збой
Сайты Reddit, Twitch, GItHub, HBO Max, PayPal, Vimeo, CNN, The New York Times, BBC, FT і іншых аказаліся недаступныя альбо працавалі з перабоямі ў аўторак з-за збою ў CDN — правайдэра Fastly.
08.06.2021 / 14:07
Больш за ўсё паведамленняў аб непаладках у працы паступіла ад карыстальнікаў Twitch. Аб збоях у працы платформы напісалі амаль дзве тысячы чалавек. 75 працэнтаў з іх не змаглі зайсці на сайт, 21 працэнт паскардзіліся на праблемы з уваходам у сістэму. У астатніх не загружаліся відэаролікі.