Tinder i inšyja prahramy dla znajomstvaŭ prapanujuć bonusy vakcynavanym brytancam
Zrabi pryščepku i znajdzi kachańnie.
07.06.2021 / 23:07
Tinder, Hinge, Bumble i šerah inšych mabilnych prahram dla znajomstvaŭ dazvolać bolšaj kolkaści karystalnikaŭ zaśviedčyć, ci prajšli jany vakcynacyju ad kavidu. Tyja, chto byŭ pryščepleny, atrymaje dadatkovyja mahčymaści ŭ prahramach.
Novaja akcyja stvoranaja jak častka supracoŭnictva hetych płatform z brytanskim uradam, jaje meta — zaachvocić moładź atrymać vakcynu. Zhodna z apytankaj brytanskaj kampanii YouGov, kala dźviuch tracin darosłych vybrali b spatkańnie z vakcynavanym čałaviekam abo admovilisia b ad spatkańnia z kimści, chto nie atrymaŭ pryščepku, piša CNN.
Karystalniki Tinder zmohuć raźmiaścić u svaim profili značok, jaki budzie śviedčyć pra projdzienuju vakcynacyju, i za heta atrymajuć biaspłatny «supierłajk». Inšyja dadatki prapanujuć karystalnikam svaje bonusy abo źnižki na premium-viersii.
Cikava, što z pačatku pandemii ŭsio bolš ludziej źviartajecca da prahram dla znajomstvaŭ. Brytancy, vymušanyja siadzieć doma padčas łakdaŭnu, karystalisia hetymi servisami, kab kamunikavać z novymi ludźmi, spadziejučysia, što chutka atrymajecca sustreć adno adnaho ŭ afłajnavym žyćci.