Рэцэпт на выхадныя: шведскія шакаладныя шарыкі
Chokladbollar — гэта класічныя шакаладныя цукеркі ў Швецыі. Іх з лёгкасцю можна прыгатаваць дома, бо гэты дэсерт патрабуе мінімум намаганняў і часу.
04.06.2021 / 23:08
Фота Depositphotos.com
Вам спатрэбіцца:
2 шклянкі цукру
150 г масла
5 лыжак какава-парашку
1 шклянка какосавай стружкі
4 шклянкі аўсяных шматкоў
3 сталовыя лыжкі кавы
2 лыжкі ванільнага цукру
- Растапіць масла да пакаёвай тэмпературы.
- Узбіць масла з цукрам міксерам.
- Дадаць ванільны цукар і какаву, перамяшаць.
- Змалоць аўсяныя шматкі ў блэндары, дадаць у сумесь. Затым дадаць каву і перамяшаць.
- З сумесі скруціць шарыкі і ўкачаць іх у какосавую стружку. Падаваць астуджанымі.
Смачна есці!