«Белавія» адмяняе рэйсы ва Украіну
25.05.2021 / 19:43
Уведзеная забарона на палёты ва Украіну.
У сувязі з забаронай уладаў Украіны на выкананне рэйсаў авіякампанія «Белавія» вымушаная адмяніць палёты ў/з Кіева, Львова, Адэсы і Харкава з 26 мая да 31 жніўня 2021 года. 25 мая таксама адмяняюцца начныя рэйсы B2 847 у Кіеў (час вылету 22.40) і B2 833 у Адэсу (час вылету 23.40).
Авіякампанія паведамляе, што пасажыры змогуць вярнуць квіткі без штрафаў або змяніць дату вылету на працягу тэрміну дзеяння авіябілета.