У Іспаніі ўнутры статуі дыназаўра знайшлі нежывога мужчыну
Паліцыя мяркуе, што 39-гадовы мужчына ўпусціў тэлефон у статую, а пасля захрас там, калі спрабаваў яго дастаць.
24.05.2021 / 17:25
Фота The Guardian
Да статуі дыназаўра ў іспанскім муніцыпалітэце выклікалі паліцыю пасля таго, як бацька і сын заўважылі, што ўнутры статуі штосьці ёсць, піша The Guardian.
Паліцыя знайшла цела чалавека ў назе статуі. Мяркуецца, што ён цягнуўся па ўпушчаны ўнутр скульптуры мабільны тэлефон, але палез галавой наперад і не змог выбрацца. Паліцыя яшчэ чакае вынікі ўскрыцця, але, хутчэй за ўсё, мужчына праляжаў у статуі некалькі дзён.
Па звестках мясцовых СМІ, сям’я абвясціла мужчыну ў вышук за некалькі гадзін да таго, як знайшлі яго цела.