Słužba zaniataści šukaje novaha staršyniu ŭ Alfa-bank. Abiacajuć 5000 rubloŭ zarobku
Na sajcie Dziaržaŭnaj słužby zaniataści źjaviłasia abviestka ab pošuku staršyni praŭleńnia z najaŭnaściu acenki adpaviednaści ad Nacbanka.
17.05.2021 / 18:00
Adras vakansii — hałoŭny ofis «Alfa-banka», čyi dva kiraŭniki niadaŭna stracili licenziju na prava zajmać kirujučyja pasady ŭ bankaŭskaj śfiery.
Abiacany zarobak — 5000 rubloŭ.
Viadoma, zvanić u słužbu zaniataści z pytańniem, jak uładkavacca, biessensoŭna. Publičnaje raźmiaščeńnie vakansii śviedčyć tolki pra toje, što, imavierna, u biełaruski filijał budzie dasłany mieniedžar z rasijskim pašpartam — u takim vypadku raźmiaščeńnie abaviazkovaje zhodna z zakonam «Ab źniešniaj pracoŭnaj mihracyi».
«Alfa-bank» — heta kamiercyjny bank, jakim vałodaje rasijski kapitał, u Biełaruś časam kamandyrujuć mieniedžaraŭ-rasijan. Apošnim časam palityka biełaruskaha Nacbanka rezka adroźnivajecca ad ujaŭleńniaŭ rasijskich akcyjanieraŭ ab pravilnym mieniedžmiencie, u vyniku čaho kiraŭnictva biełaruskaha banka vymušana prysłuchoŭvacca adrazu da dvuch centraŭ siły. Imavierna, hetym i vyklikana adklikańnie licenzij u raniejšaha kiraŭnictva.