Kuma Pucina va Ukrainie adpravili pad chatni aryšt. Jaho paplečnik znachodzicca ŭ Biełarusi «na lačeńni»
Sud u Kijevie pryniaŭ rašeńnie adpravić pad kruhłasutačny chatni aryšt kuma Pucina, staršyniu palitrady partyi «Apazicyjnaja płatforma — za žyćcio» Viktara Miedźviedčuka.
13.05.2021 / 21:47
Miedźviadčuk zajaviŭ, što doma budzie zajmacca pracaj i davać intervju.
Miedźviadčuk kaža, što jaho paplečnik Taras Kozak, jakoha taksama padazrajuć u dziaržaŭnaj zdradzie, znachodzicca na lačeńni ŭ Biełarusi.
11 maja hienieralny prakuror Ukrainy Iryna Vieniadziktava padpisała padazreńnie ŭ zdradzie i zamachu na rabavańnie nacyjanalnych resursaŭ va ŭkrainskim Krymie kumu Pucina i jaho paplečniku, deputatu Tarasu Kozaku.
Pravaachoŭniki padazrajuć, što Miedźviadčuk ustupiŭ u zmovu z Rasijaj dla zdabyčy nafty i hazu ŭ Čornym mory. Taksama ŭ 2020 hodzie Miedźviadčuk praz Kozaka pieradaŭ Rasii sakretnuju infarmacyju ab raźmiaščeńni padraździaleńnia ŭkrainskaha vojska.