Палітзняволены Вадзім Гурман знайшоўся ў калоніі ў Горках. Родныя не ведалі, дзе ён, некалькі тыдняў

Палітзняволены маладзечанец Вадзім Гурман знайшоўся ў папраўчай калоніі ў Горках. Аб гэтым стала вядома ад яго маці Вольгі Кузмяной, паведамляе Рэгіянальная газета.

12.05.2021 / 18:40

Раней сваякі Гурмана расказвалі, што ім не паведамляюць, дзе знаходзіцца мужчына.

Вадзім Гурман прыбыў у папраўчую калонію ў Горках 6 мая. Нагадаем, у лютым суддзя Вольга Дубовік асудзіла мужчыну да 3 год і 6 месяцаў калоніі па двух крымінальных артыкулах: за актыўныя дзеянні, што груба парушаюць грамадскі парадак, і за пагрозы гвалтам у дачыненні да супрацоўнікаў Маладзечанскага РАУС. Ад лютага да мая Гурман знаходзіўся ў жодзінскім СІЗА.