На Вялікдзень — моцныя дажджы і вецер. Абвешчаны аранжавы ўзровень небяспекі
У нядзелю, 2 мая, на большай частцы тэрыторыі краіны пройдуць дажджы, у асобных раёнах — навальніцы. Днём па захадзе ў многіх раёнах, на астатняй тэрыторыі месцамі чакаюцца моцныя дажджы.
01.05.2021 / 10:55
Гэту прыкрую навіну паведамілі БелТА ў Гідрамеце.
Вецер паўночна-ўсходні, днём парывы да 14 м/с, па захадзе на большай частцы, на астатняй тэрыторыі месцамі — 15-20 м/с.
Ноччу ад нуля на поўначы да +10 на поўдні краіны.
Днём будзе +9..+15, па поўдні ад +16 да +21. У Мінску да +12, дождж.