«Штабы Навальнага» ў Расіі ўключылі ў пералік экстрэмістаў
Грамадскі рух «Штабы Навальнага» ўключаны ў пералік арганізацый і фізічных асоб, у дачыненні да якіх маюцца звесткі аб іх датычнасці да экстрэмісцкай дзейнасці або тэрарызму.
30.04.2021 / 13:49
Абноўлены пералік такіх арганізацый з'явіўся на сайце Расфінманіторынгу, паведамляе Бі-бі-сі
Арганізацыям, якія трапілі ў пералік, забаронена ўзаемадзейнічаць са СМІ, размяшчаць інфармацыю ў сетцы, арганізоўваць публічныя мерапрыемствы, удзельнічаць у выбарах, карыстацца фінансавымі паслугамі, якія не датычацца выплаты падаткаў, заробкаў і кампенсацыі шкоды.
Пракуратура Масквы падала пазоў аб прызнанні ФБК (прызнаны арганізацыяй, якая выконвае функцыі замежнага агента ў Расіі) і штабоў Навальнага экстрэмісцкімі 16 красавіка. Разгляд пазову прызначаны на 17 мая.