Krainy Bałtyi taksama zajavili pra simvaličnuju vysyłku rasijskich dypłamataŭ
Simvaličnyja žesty ŭ znak salidarnaści z Čechijaj.
23.04.2021 / 14:34
Litva abviaściła pra vysyłku dvuch rasijskich dypłamataŭ u znak salidarnaści z Čechijaj, paviedamlaje MZS bałtyjskaj krainy.
«Pradstaŭnik pasolstva Rasii ŭ Litvie byŭ vyklikany ŭ MZS krainy i atrymaŭ notu», — havorycca ŭ paviedamleńni. «Rašeńnie było pryniata pa ŭzhadnieńni z łatvijskimi i estonskimi partniorami», — dadali ŭ viedamstvie.
Tak, ministr zamiežnych spraŭ Łatvii Edhars Rynkievičs pryniaŭ rašeńnie abviaścić adnaho rasijskaha dypłamata piersonaj non-hrata. MZS Estonii taksama vyšle adnaho supracoŭnika rasijskaha pasolstva.