Вызначыліся суперніцы беларусак на ЧЕ па баскетболе

Жаночая зборная Беларусі на ЧЕ-2021 па баскетболе згуляе ў групе з камандамі Іспаніі, Славакіі і Швецыі.

08.03.2021 / 16:31

belarus.basketball

Гэта стала вядома сёння пасля лёсавання. 

Фінальная частка жаночага чэмпіянату Еўропы-2021 пройдзе з 17 па 27 чэрвеня ў Іспаніі і Францыі.

16 камандаў падзеленыя на чатыры квартэты. У 1/4 фіналу напрамую выходзяць пераможцы груп. Дружыны, якія зоймуць другія і трэція месцы, паспрачаюцца за выхад у гэтую стадыю спаборніцтваў у матчах 1/8 фіналу.

Зборная Беларусі з 2007 года брала ўдзел ва ўсіх чэмпіянатах Еўропы. У 2007-м яны заваявалі бронзу.