Міністры абароны Расіі і Беларусі дамовіліся аб стварэнні трох вучэбна-баявых цэнтраў
05.03.2021 / 16:55
Расія і Беларусь дамовіліся аб стварэнні трох вучэбна-баявых цэнтраў сумеснай падрыхтоўкі вайскоўцаў, паведамляе Мінабароны Беларусі.
Сустрэча генерал-лейтэнанта Віктара Хрэніна і генерала арміі Сяргея Шайгу прайшла ў рамках візіту міністра абароны Беларусі ў Маскву.
Міністры абароны дамовіліся аб стварэнні трох вучэбна-баявых цэнтраў для сумеснай падрыхтоўкі. Цэнтры будуць знаходзіцца ў Ніжагародскай, Калінінградскай вобласці ў Расіі і Гродзенскай вобласці ў Беларусі.