Для «Белай Русі» прыдумалі новую назву
Рэспубліканскае грамадскае аб'яднанне «Белая Русь» у найбліжэйшы час можа ператварыцца ў «Партыю народнага адзінства». Пра гэта распавёў намеснік старшыні арганізацыі Аляксандр Шацько ў эфіры АНТ.
03.03.2021 / 20:15
Фота Сяргея Гудзіліна.
Па словах Аляксандра Шацько, «Белая Русь» стваралася і працавала як палітычная сіла і магла стаць партыяй яшчэ 10 гадоў таму.
«З грамадскай структуры павінна вырасці партыя, — адзначыў намеснік старшыні «Белай Русі». — Мы гаварылі яшчэ ў 2010 годзе і працягваем казаць далей, што ў нас ёсць рабочая назва — Партыя народнага адзінства».
Аляксандр Шацько дадаў, што ў найбліжэйшыя дні адбудзецца з'езд «Белай Русі», і яго ўдзельнікі вызначацца, ці трэба грамадскаму аб'яднанню станавіцца партыяй.