Łedzi Hazie viarnuli skradzienych sabak. Jana hatova była zapłacić $500 tysiač

Amierykanskaj aktrysie i śpiavačcy Łedzi Hazie viarnuli dvuch sabak Kodžy i Hustava, vykradzienych u pamočnika artystki. Pra heta ŭ Twitter paviedamiŭ palicejski departamient Łos-Andželesa.

27.02.2021 / 09:53

tmz.com

«Abodva sabaki Łedzi Hahi byli pieradadzienyja ŭ miascovy palicejski ŭčastak i ščaśliva ŭźjadnalisia ź jaje pradstaŭnikami», — havorycca ŭ paviedamleńni.

Francuzskich buldohaŭ viarnuła žančyna, jakaja znajšła hadavancaŭ. U vydańni padkreślili, što žyvioły nie paciarpieli, piša RBK.

Pra toje, što Kodžy i Hustaŭ źnikli, Łedzi Haha paviedamiła napiaredadni ŭ svaim Instagram. U paście jana paabiacała zapłacić $500 tysiač za biaśpiečnaje viartańnie hadavancaŭ.

Sabaki byli vykradzienyja, kali ich vyhulvaŭ pamočnik Hahi Rajan Fišer. Złamyśniki strelili jamu ŭ hrudzi i zabrali sabak. Jašče adzin francuzski buldoh paśpieŭ źbiehčy. Jaho vyjavili pobač ź Fišeram, jaki paźniej byŭ špitalizavany ŭ ciažkim stanie.