«Chtości kryknuŭ: «Žyvie Biełaruś!» U Smarhoni paśla abviaščeńnia prysudu vyklikali AMAP i nikoha z prysutnych nie vypuskajuć

Siońnia ŭ sudzie Smarhonskaha rajona byŭ ahučany prysud Rusłanu Valuku i Inesie Markavaj, abvinavačanych u paklopie (art. 188 KK) — a mienavita ŭ raspaŭsiudzie ŭlotak, u jakich utrymlivalisia «zaviedama łžyvyja» źviestki, jakija zhańbili supracoŭnikaŭ milicyi. Valuk atrymaŭ 2 hady abmiežavańnia voli z nakiravańniem u papraŭčuju ŭstanovu («chimija»), Markava — 2 hady chatniaj chimii.

18.02.2021 / 13:15

Smarhoncy, jakich padazravali ŭ rasklejvańni ŭlotak. Vital Valuk na fota sprava, spring96.org.

Paśla ŭ kalidory suda chtości kryknuŭ: «Žyvie Biełaruś!» I paśla hetaha staršynia suda Ludmiła Piatrova zabaraniła dziažurnamu vypuskać prysutnych na vulicu i vyklikała milicyju.

U budynku suda zastalisia zabłakavanymi kala 20 čałaviek, u tym liku i pravaabaronca Aleś Dzierhačoŭ. Tudy musić pryjechać milicyja, paviedamlajuć pravaabaroncy.