Eks-siłavik Ihar Makar: Płanavałasia fizičnaje źniščeńnie palitołaha Suzdalcava

05.01.2021 / 10:09

Były namieśnik kamandzira bajavoj hrupy antyterarystyčnaha padraździaleńnia MUS Biełarusi «Ałmaz» Ihar Makar nazvaŭ imia jašče adnaho čałavieka, jakoha źbiralisia likvidavać.

«Taksama ŭ mianie jość dokazy i pacvierdžańni taho, što płanavałasia fizyčnaja likvidacyja Andreja Ivanaviča Suzdalcava. Hetaha na zapisie niama, ale heta pacvierdzić maja krynica asabista ŭ sudzie», — cytuje Makara Radyjo Svaboda sa spasyłkaj na «Nastojaŝieje vriemia».

«Ja spadziajusia, što na heta ŭsio adreahuje Rasijskaja Fiederacyja. Ja vielmi spadziajusia, što adreahuje suśvietnaja supolnaść, u pryvatnaści jeŭrapiejskaja, i Amieryka. I ja dumaju, što ŭrešcie my zmožam pabaroć hety dyktatarski režym, jaki dziejničaje ŭ našaj rodnaj krainie Biełarusi», — dadaŭ jon.

Andrej Suzdalcaŭ — rasijski palitołah, jaki da 2006 hoda pracavaŭ u Minsku i krytykavaŭ ułady. U 2006 hodzie jaho pazbavili dazvołu vidu na žycharstva i departavali ŭ Rasiju jak asobu, jakaja «pradstaŭlaje pahrozu nacyjanalnaj biaśpiecy Biełarusi».