У Мінску сутыкнуліся пяць аўто
30.12.2020 / 07:40
Увечары 29 снежня кіроўца аўтамабіля «Лексус» рухалася па вуліцы Захарава ў напрамку плошчы Перамогі, паведамляе ДАІ Мінска. У выніку невыканання бяспечнай дыстанцыі, сутыкнулася з аўтамабілем «Крайслер», які спыніўся на чырвоны сігнал святлафора.
Ад удару «Крайслер» адкінула на «Мэрсэдэс», які стаяў наперадзе, далей па ланцужку «Мэрсэдэс» сутыкнуўся з «Фольксвагенам», які, у сваю чаргу, уехаў у аўтамабіль той жа маркі. У выніку ДТЗ пяць аўтамабіляў атрымалі пашкоджанні.
48-гадовую кіроўцу «Лексуса» даставілі ў бальніцу для агляду.