Спартоўцамі года ад «Прэсбола» сталі Азаранка і Шымановіч. У апытанні на сайце лідзіравалі Раманоўская і Каралёк

28.12.2020 / 23:25

Газета «Прэсбол» у нумары, які выйдзе ў аўторак, назвала найлепшых спартсменаў і найлепшую спартсменку. Імі сталі тэнісістка Вікторыя Азаранка і плывец Ілля Шымановіч.

На сайце газеты праводзілася традыцыйнае апытанне: «найлепшы спартсмен — 2020» і «найлепшая спартсменка-2020».

На вечар панядзелка ў гэтым апытанні лідзіравалі: фрыстайлістка Аляксандра Раманоўская сярод жанчын — 65,6% (8609) прагаласаваўшых і ў мужчын гандбаліст Арцём Каралёк — 36,8% (3136).

Ілля Шымановіч набраў толькі 11,5% (976 чалавек), а Вікторыя Азаранка 11,4% (1518).

Галасаванне «Спартсменка года»

Галасаванне «Спартсмен года»

Шэраг журналістаў назвалі Чалавекам года Алену Леўчанку, Аляксандру Раманоўскую і Аляксандру Герасіменю за іх пазіцыю, але іх матэрыял не ўвайшоў у нумар

Nashaniva.com