Без масавай вакцынацыі: да канца вясны ад кавіду плануюць вакцынаваць 1,2 мільёна чалавек
22.12.2020 / 13:23
Пра гэта паведаміў журналістам міністр аховы здароўя Дзмітрый Піневіч па выніках нарады ў Лукашэнкі, паведамляе БелТА.
Масавая вакцынацыя ад каранавіруса, па словах міністра, пачнецца ў студзені 2021 года вакцынамі замежнай вытворчасці, закупка якіх цяпер вядзецца.
Да канца вясны плануецца прышчапіць 1,2 млн чалавек, а затым выйсці на паказчык 5,5 млн вакцынаваных.
«Больш, напэўна, не, бо не стаіць пытанне татальнай імунізацыі. Пытанне тут не ў грошах, а пытанне ў мэтазгоднасці і супрацьпаказанні», - сказаў Дзмітрый Піневіч.