Пасля пратэстаў студэнтаў звольненая рэктарка Баранава — яна была рэктарам Лінгвістычнага ўніверсітэта 25 гадоў

20.10.2020 / 12:20

Сёння былі прызначаныя тры новыя рэктары. Як паведамляе Пул першага, з «мэтай навядзення парадку».

Мінскі дзяржаўны лінгвістычны ўніверсітэт узначаліць Наталля Лапцева (да гэтага ўзначальвала факультэт нямецкай мовы). Наталля Баранава была рэктарам 25 гадоў.

Беларускі дзяржаўны ўніверсітэт культуры і мастацтва ўзначаліць былы першы намеснік міністра культуры Наталля Карчэўская (былы рэктар Аліна Корбут была звольненая ў канцы жніўня).

А Брэсцкі дзяржаўны тэхнічны ўніверсітэт узначаліць Аляксандр Бахановіч (экс-прарэктар па вучэбнай рабоце БНТУ).