У Мінску сілавікі зноў стралялі на вуліцах ВІДЭА
18.10.2020 / 21:36
Сілавікі некалькі разоў стралялі ў паветра падчас акцыі пратэсту ў Мінску.
«Зроблена некалькі папераджальных стрэлаў у паветра гумовымі кулямі, пасля таго як агрэсіўна настроены натоўп кінуў у службовы транспарт і праваахоўнікаў камяні», — паведамілі агенцтву «Інтэрфакс-Захад» у прэс-службе ГУУС Мінгарвыканкама.
Пазней з'явілася відэа, на якім бачна, што адзін з сілавікоў страляў не ў паветра, а ў бок бяззбройнага пратэстоўцы.
Карэспандэнты «Нашай Нівы» не назіралі агрэсіі з боку дэманстрантаў, якіх агулам было каля ста тысяч. Моманты напружання ўзнікалі толькі пры спробах іх разагнаць і затрыманнях людзей, якія ішлі па тратуарах у раёне дэманстрацыі.